البيم (BIM): ثورة حقيقية في عالم البناء والهندسة

 

في وسط كل التطورات اللي بنعيشها في مجال البناء، تقنية البيم (BIM) ، بقت من الأساسيات اللي مش ممكن أي مهندس أو مكتب استشاري يستغنى عنها.

مش مجرد أداة تصميم، لأ، دي طريقة تفكير ومنهج كامل لإدارة المشاريع من أول فكرة التصميم لحد ما تسلم المفتاح... وبعد كده كمان!

يعني إيه BIM؟ وهل هي فعلاً مهمة؟

 

الـ BIM هو اختصار لـ Building Information Modeling، وده ببساطة نظام رقمي بيخلّيك تبني نموذج ثلاثي الأبعاد للمشروع، بس النموذج ده مش مجرد رسمة...

ده فيه كل المعلومات اللي محتاج تعرفها: من أبعاد ومساحات، لنوع الحديد والخرسانة، لتكلفة التنفيذ، وجداول الصيانة بعد ما المشروع يشتغل فعليًا.

يعني بدل ما كل واحد في المشروع شغال لوحده، لأ، كله بقى بيشتغل على نفس النموذج، بيشوف نفس البيانات، وبيحدثها في نفس اللحظة.

 

طب إيه الفرق بقى بين BIM وCAD؟

لو اتعودت تشتغل على CAD، فأكيد عارف إنه بيركز على الرسومات الهندسية، سواء ( D 2 أو D 3 ) لكن الـ BIM بياخد الموضوع لأبعد من كده بكتير.

الـ CAD بيخليك ترسم، لكن كل شغل بيكون في ملفات منفصلة، ولو حصل تعديل، لازم ترجع تفتح كل رسمة وتعدل يدوي. وده ممكن يعمل لخبطة وتضارب، خصوصًا في المشاريع الكبيرة ، ومحتاج برامج مساعدة ومتابعة مستمرة

أما الـ BIM، فالتعديلات بتحصل تلقائي على النموذج بالكامل، ومفيش حاجة اسمها إنك تنسى تحدث جزء. ده غير إنه بيساعدك في إدارة الوقت والتكلفة بشكل دقيق، وبيسهّل التنسيق بين التخصصات. فبدل ما كل قسم يسأل التاني، كله باين قدامه بوضوح.

ببساطة، ممكن نقول إن الـ CAD بيرسم، لكن الـ BIM بيدير المشروع.

 

طيب، البيم هيساعدني في إيه كمشروع؟

هيوفر وقت ومجهود: بدل ما تكتشف مشكلة بعد ما تبدأ تنفيذ، بتعرفها من بدري.

التصميم بيبقى أدق: لأنك شايف كل حاجة مترتبة على بعض.

التنسيق أسهل: المعماري، الإنشائي، الكهربا، الصحي... كله شغال على نفس الأساس.

الميزانية بتبقى تحت السيطرة: لأن كل خطوة في المشروع ليها تكلفة متسجلة.

المتابعة والصيانة بعد التنفيذ: النموذج بيفضل معاك حتى بعد ما تسلّم المشروع.

يعني هو مش بس أداة تصميم... هو دليل كامل للمشروع، خطوة بخطوة.

 

حاجة كمان مهمة…

تقنية البيم مش بس للمهندسين الكبار أو الشركات الكبيرة.

دلوقتي مطلوبة في كل مكان، ومكاتب كتير ما بقتش تقبل شغل غير لو معمول بنظام BIM، سواء جوه مصر أو برّه.

  

تعلم البيم مع أكاديمية أوميجا للتدريب

لو حابب تتعلم منظمة البيم من البداية أو تطور مهاراتك فيها، أكاديمية أوميجا للتدريب بتقدم دورات احترافية

ليه تختار أكاديمية أوميجا؟

•             مدربون خبراء في مجال الـ BIM.

•             مناهج شاملة تغطي جميع تخصصات الريفيت.

•             تطبيقات عملية ومشاريع تدريبية واقعية.

•             شهادات معتمدة تساعدك في سوق العمل.

ابدأ رحلتك في احتراف الريفيت مع أكاديمية أوميجا، وكن جزءًا من مستقبل الهندسة الرقمية!

______________

هل ترغب في معرفة المزيد عن دورات الريفيت المتاحة أو كيفية التسجيل؟
>> تــواصـــل مــعــنـــــا <<